Car Loan म्हणजे काय? Car Loan कसे घ्यावे? Car Loan व्याजदर किती असतात?  Car loan कागदपत्र? Car Loan पात्रता? वाहन कर्ज योजना, Car Loan in Marathi

Car Loan Information in Marathi | कार लोन माहिती मराठी :

नमस्कार मित्रांनो, सध्याच्या काळात कार घेण्याची इच्छा सर्व साधारण व्यक्तीला असतेच. कार असणे ही सर्वसाधारण घरातली एक गरज देखील झाली आहे. स्वतःच्या फॅमिली सोबत वीकेंड ट्रीप असो किंवा सुट्टीमध्ये गावी फिरायला जाणे असो कार ही हवीच. अनेकदा महत्वाच्या कामासाठी अचानक जाणे असलेतरी कार खूपच गरजेची वाटते.

कार असण्याचे फायदे जर बघितलेतर सर्व साधारण व्यक्तिगत आयुष्यात कारचे अनमोल स्थान असते. कार ही एक फॅमिली मेंबर बनवण्याची जणू काही आता प्रथाच झालेली आहे. यासाठीच आजचा विषय आपल्यासाठी अत्यंत महत्वाचा आहे.

आज आपण बघणार आहोत कार लोन विषयी महत्वाची माहिती. कार लोन घेणे अत्यंत सोपे आणि सोयीस्कर जरी असले तरी काही महत्वाच्या बाबी आपल्याला आधी लक्षात ठेवावेच लागतील. चला तर जाणून घेऊयात सर्व माहिती.

कार लोन म्हणजे काय? | What is a Car Loan?

सध्याच्या काळात वाहन कर्ज ही बँक सुविधा सर्व सामान्य लोकांना महत्वाची झालेली आहे. वाहन कर्जा मध्ये दुचाकी, तीनचाकी, चारचाकी तसेच टेम्पो, ट्रक आणि बस सारख्या खाजगी तसेच कमर्शियल वाहनांसाठी कर्जाची सुविधा बँकेतून घेऊ शकतो. चारचाकी वाहन घेण्यासाठी बँकेतून घेतलेले कर्ज म्हणजेच कार लोन किंवा ४ व्हीलर लोन आपण म्हणू शकतो. कार लोन हे नवीन किंवा जुन्या कार साठी घेता येऊ शकते. जाणून घेऊयात नवीन आणि जुन्या कार लोन बद्दल फरक.

वैशिष्ट्य	नवीन कार कर्ज	वापरलेले कार कर्ज	फरक
कालावधी	आठ वर्षांपर्यंतचा ईएमआय	सात वर्षांपर्यंतचा ईएमआय	नवीन कार लोन अधिक काळासाठी घेता येत असल्या कारणाने ईएमआय ची रक्कम बजेट नुसार ठेवता येते.
डाउन पेमेंट	शून्य डाउन पेमेंटचा पर्याय आपण घेऊ शकतो	किमान 10 टक्के ऑन-रोड किमतीच्या डाउन पेमेंट करावे लागते	एकाच बजेटसाठी, वापरलेल्या कारचे कर्ज निवडताना तुम्हाला अधिक पैसे द्यावे लागतील
व्याज दर	९ ते १३%	१० ते १६%	जास्त व्याजदर आणि कमी कालावधी आणि उच्च डाउन पेमेंटसह, तुम्हाला तुमचे मासिक खर्च कमी ठेवायचे असल्यास नवीन कार कर्ज अधिक फायद्याचे आहे.
कार	नवीन कार काही विशिष्ट बजेट पर्यन्त मर्यादित असते	नवीन कारच्या बजेट मध्ये उच्च श्रेणीतील जुनी कार खरेदी करू शकता	प्रत्येक कारची किंमत दिवसेंदिवस कमी होत असल्याने, जर तुम्हाला कमी बजेटमध्ये मोठ्या आलिशान कारमध्ये अपग्रेड करायचे असेल तर वापरलेली कार एक चांगली डील असू शकते.

कार लोन चे प्रकार? | Types of Car Loan

कार लोनमुळे आपली ड्रीम कार खरेदी करणे, मग ती गरजेची असो किंवा विश्रांतीसाठी, अगदी सोपे होऊ शकते. एकदम मोठ्या रकमेचा भरणा करण्याऐवजी कार लोन तुम्हाला हवी असलेली कार ताबडतोब मिळविण्यात आणि सुलभ हप्त्यांमध्ये पैसे देण्यास मदत करू शकते. तुम्ही कोणत्या प्रकारची कार लोन घेऊ शकता ते पाहू या:

1. नवीन कार लोन – ही फॅक्टरी फ्लोअरपासून नवीन ब्रँड डीलरशिपवर येणाऱ्या, अगदी नवीन कारवर ऑफर केलेली कर्जे आहेत. नवीन कार मालकाला अधिक चांगली सेवा, सुटे भाग आणि ब्रँड-बॅक्ड वॉरंटी सहज उपलब्ध होतील. 

2. वापरलेली कार लोन – हे डीलर किंवा व्यक्तींकडून वापरलेल्या कारवर दिलेली कर्जे आहेत. वापरलेल्या कारची किंमत सामान्यत: नवीन असतानाच्या तुलनेत खूपच कमी असते, बहुतेकदा त्याच किमतीच्या नवीन कारपेक्षा अधिक प्रीमियम कार आपण यामुळे घेऊ शकतो.

3. कार विरुद्ध लोन – याला पुनर्वित्त सुद्धा म्हणतात, हे लोन कमी व्याजदराने आपली कार बँकेकडे गहाण ठेवून नवीन कर्ज घेऊन किंवा परतफेडीचा कालावधी वाढवून तुमची इतर देणे कमी करण्यात मदत करू शकतात.

कार लोन घेण्यासाठी लागणारी कागदपत्रे | Documents required for a Car Loan

• ओळखीचा पुरावा
• रहिवासी पुरावा
• पासपोर्ट साईज फोटो
• गाडीचे कागद पत्रे
• मागील ३ महिन्याचे सॅंलरी स्लिप
• मागील ६ महिन्यांचे बँक स्टेटमेंट
• व्यावसायिक असालतर आयकर भरलेली पावती

कार लोन कसे घ्यावे? | How to Apply for Car Loan

नवीन कार लोन आणि जुन्या कार लोन प्रक्रिया दोन्ही वेगळ्या असतात. नवीन कारसाठी कारच्या शोरूम मध्येच बँकेचे प्रतिनिधि नेमलेले असतात. कारची निवड केल्या नंतर तुम्हाला फक्त कार लोनचा फॉर्म तुमच्या संपूर्ण माहिती सह आणि तुमच्या कागद पत्रांसाह सबमिट करावा लागतो. कर्जाचा ईएमआय हा साधारणतः तुम्ही किती डाऊन पेमेंट करता यावर अवलंबून असते.

जुन्या कारसाठी तुम्हाला स्वतः बँकेत जाऊन कार लोनसाठी अर्ज करावा लागतो. बाकी संपूर्ण प्रक्रिया ही शक्यतो सारखीच असते. महत्वाच म्हणजे नवीन कार साठीचे कर्ज आणि जुन्या कार साठीचे कर्ज याचे व्याजदरात बराच फरक असतो. जुन्या कार साठी कर्जाचे व्याजदर हे नवीन कार साठी घेतलेल्या कर्जाच्या अधिक असते.

कार लोनसाठी व्याजदर | Interest rates for Car Loans

नवीन कार साठी साधारणतः ९ ते १३% आणि जुन्या कार साठी १० ते १६% इ. असू शकते. काही बँका  महिलांना, ज्येष्ठ नागरिकांना तसेच सरकारी कर्मचारी आणि कॉर्पोरेट कंपनीत काम करणाऱ्या कर्मचाऱ्याना  कार लोनसाठी व्याजदरात सूट देखील देते. जुन्या कार चे कर्जाचे व्याजदर अधिक असल्या कारणाने कधीही नवीन कार घेणे हा उत्तम पर्याय असू शकतो.

काही ठराविक बँक आणि त्यांचे व्याजदर :

बँकेचे नाव	व्याजदर
SBI	७.२०% पासून पुढे
HDFC	७.९५% पासून पुढे
ICICI	७.८५% पासून पुढे
IDBI	७.३५% पासून पुढे
Union Bank	७.४०% पासून पुढे
Kotak Mahindra Bank	६.५०% पासून पुढे
Tata Capital Finance	७.००% पासून पुढे

कार लोनसाठी पात्रता | Eligibility for Car Loan

• कार लोन ऑफर करण्यापूर्वी बँका आणि फायनान्सर विविध गोष्टी पाहतात, यामध्ये पुढील काही गोष्टी समाविष्ट आहे:
• अर्जदाराचे वय, किमान आणि कमाल उत्पन्न मर्यादा
• स्थिर रोजगार किंवा व्यवसायाच्या पुरावा आणि मासिक उत्पन्न
• तुमचा क्रेडिट स्कोअर
• विशिष्ट बँक/फायनान्सरशी तुमचे पूर्वीचे संबंध
• कारचा प्रकार – वापरलेले किंवा नवीन
• निवासस्थानाची स्थिरता
• जुन्या कारच्या अधिक हस्तांतरणामुळे जास्त व्याजदर किंवा कर्जाची रक्कम कमी होऊ शकते

कार लोन घेण्या आधी लक्षात ठेवा | Important Things you must know before taking Car Loan

• कार लोनसाठी EMI वीचारात घेतल्यानंतर तुम्ही दरमहा तुमच्या इतर खर्चाची रक्कम शिल्लक राहील याची खात्री करा.
•  तुम्ही तुमच्या आर्थिक स्थितीनुसार कार घेण्यासाठीच सर्वोत्तम कालावधी निवडली असल्याची खात्री करा
•  आर्थिक आणीबाणी उद्भवल्यास, EMI न भरल्यास तुमच्या क्रेडिट स्कोअरवर आणि भविष्यात नवीन कर्जासाठी अर्ज करताना अडचण निर्माण होऊ शकते, यासाठी EMI वेळेवर भरू शकता याची खात्री करा.

हाइपोथेकेशन म्हणजे काय? | What is hypothecation?

हायपोथेकेशन ही कर्जाच्या बदल्यात मालमत्ता ठराविक कालावधी साठी म्हणून वापरण्यास सहमती देण्याची प्रक्रिया आहे. कार कर्जासह तुम्ही सहमत आहात की तुमची कार तुमचे कर्ज सुरक्षित करण्यासाठी अप्रत्यक्ष म्हणून वापरली जाते. तुम्ही कर्जाची परतफेड करू शकत नसल्यास, तुमची बँक कार परत घेऊ शकते. हायपोथेकेशन प्रत्येक प्रकारच्या कर्जामध्ये नसते.

FAQ

या लोन बद्दल वरती दिलेली माहिती ऑनलाइन मिळालेल्या माहितीच्या आधारावर आम्ही आपल्याला दिलेली आहे. कसल्याही प्रकारचा कर्ज आपल्याला हवं असल्यास आपण बँक शाखेत जाऊन रीतसर चौकशी करून सर्व माहिती घेणे आवश्यक आहे.

वरती दिलेली माहिती आपल्याला कशी वाटली किंवा दिलेल्या माहितीबद्दल अजून काही आपल्याला विचारायचे असल्यास आपण आम्हाला कमेंट बॉक्समध्ये विचारू शकता.

धन्यवाद!

आमच्या इतर महत्वाच्या पोस्ट :

• PM मुद्रा लोन बद्दल सविस्तर माहिती जाणून घ्या.
• Navi App Loan कसे काढावे?
• Money Tap App द्वारे कर्ज कसे काढावे?
• शैक्षणिक कर्ज कसे काढावे?
• पर्सनल ओवरड्राफ्ट लोन म्हणजे काय?
• Home Loan बद्दल सविस्तर माहिती